الثلاثاء، 27 مايو 2008

مرة تانية ال 12 ساعة شغل

حقيقة العمل فى القطاع الخاص المصرى


القطاع الخاص فى مصر إستغلالى يبتلع إنسانية العمال


الكلام فقط على المرتبات و لا أحد ينظر للحقوق الأخرى


سخرة ال 12 ساعة عمل يجب أن تتوقف فورا


أعداد كبيرة من فرص العمل سوف تتوفر فورا إذا توقف العمل بنظام السخرة



خبر يكشف فى ثناياه عن ال 12 ساعة المسكوت عنها فى مصر(الدستور 25 مايو)

منذ سنة 2003 و أنا أحاول أن الفت إنتباه الرآى العام للموضوع دا لكن مفيش فايده سواء من صحفيين او كتاب او مدونين

إقرأ هولوكوست العمال المسكوت عنه فى عهد مبارك

أنا مش عايز حاجة لنفسى , لكن هو واجب شايف إن فى حد لازم يعمله

المطلوب :-

  1. توقف نظام ال 12 ساعة عمل فورا

  2. العمل لا يذيد عن 40 ساعة فى الأسبوع (8 ساعات فى اليوم و يومين أجازه) أو 42 ساعة (سبع ساعات فى اليوم و يوم واحد أجازه) (و على فكرة فرنسا ساعات العمل فيها 35 ساعة فقط عبارة عن سبع ساعات خمس أيام فى الأسبوع ثم يومين أجازه) و للمصانع التى تعمل خارج المدينة أو فى مدينة أخرى فيبدأ إحتساب العمل من ساعة خروج أتوبيس العمال الذى يقلهم من خارج مدينتهم أسوة بمن يعملون داخل المدينة و ليس من وصولهم للمصنع و ينتهى عملهم عند وصول الأتوبيس مرة أخرى لحدود مدينتهم التى خرجوا منها

  3. تعويضات تصرف من المصانع للعمال عن السخرة التى كانت طوال الفترة الماضية و تعويضات تصرف للدولة مقابل العمال الذين لن يمكن الوصول إليهم أو إلى أسرهم لتعويضهم و مقابل الذين أحجموا عن العمل بسبب عدم قدرتهم على تحمل تلك الظروف الغير إنسانية و عانوا من البطالة التى كان من الممكن أن يوفرها لهم وطنهم لو كان أصحاب المصانع لم يجوروا على المواطنين

  4. التأمين قبل بدأ العمل و لا يمكن أبدا البدأ فى العمل بدون تأمين و لو تحت أى حجة مثل حجة فترة الإختبار أو بداية العمل أو خلافه و صرف تعويضات عن الفترة الماضية للعمل بدون تأمين و ضياع جزء من إشتراك المعاشات

  5. ضرورة إستلام العامل لملابس و معدات الوقاية كاملة و سليمة قبل العمل و لا يمكن السماح أبدا بطلب صاحب العمل العمال أن يوفروها لأنفسهم أو عملهم بدونها

  6. مخالفات المصنع مثل مخالفات الصحة او الصرف الصناعى تكون على المصنع و صاحبه و ليس على أحد من العمال كما هو جارى الأن

  7. على الأقل تطعيم التيتانوس قبل بدأ العمل بوقت كافى و طبعا على حساب الشغل و مفيش حاجة إسمها إدفع و نبقى نحاسبك أو لو مشيت هناخد تمنه منك , لا إنشاالله ميشتغلش خالص فالكشف الطبى و التطعيم على حساب الشغل فى مكان متفق معاه

  8. إلزام المصانع بتعليق ملصقات للعمال تعرفهم بحقوقهم فى ساعات عمل محددة و معاملة كريمة و حماية من صاحب العمل و من زملائه و تأمين قبل البدأ فى العمل و إستلام عقد و طبع و توزيع كتيبات بتلك الحقوق لتوزع عليهم و وضع ألية مناسبة لطريقة التصرف عند التعرض لمعاملة سيئة أو إلزام بالعودة لنظام السخرة أو أى مشكلة

  9. تعويض كبير لا يقل عن ثلاثة أمثال سعر ساعة العمل العادية عند العمل وقت ذائد للضرورة القصوى ثم يذيد إلى أربع أمثال و خمس أمثال عند تجاوز حدود ساعات معينة و شرط أن يكون ضغط العمل جاء فى حالة طوارىء و لوقف ضرر عن المصنع أو المنشاة و لا يدخل فى ذلك إستلام الشحنات (لأنها دائما تصل قرب إنتهاء يوم العمل و يريد صاحب العمل أن يفرغها بسرعة ليكون جميل فى العلاقة بينه و بين شركة الشحن و حتى لا يدفع بيات لشركة الشحن لو أخر فى مرة عربياتها أثناء التفريغ) التى تصل و يستمر العمل فيها بعد ساعات العمل و على صاحب العمل أن يعين عمال أضافيين لترقب إستلامها أو يتفق مع شركة الشحن إن عماله لن يعملوا إلا فى ساعاتهم المحدده فقط

  10. وزارة القوى العاملة و مكاتب العمل يعيشوا الواقع و يبطلوا ضحك على المجتمع و على أنفسهم و يعترفوا أن العمال تقريبا فى كل القطاع الخاص فى مصر يغصبهم صاحب العمل أن يعملوا 12 ساعة و أنهم كوزارة قوى عاملة عاملين نفسهم مش عارفين و بالتالى لا يتحركوا و هكذا الحال طوال حكم مبارك




النظام الذى أتمناه من وجهة نظرى الشخصية :-

العمل ورديتين (أحسن من ثلاث ورادى و يذيد عدد العاملين و وسائل الإنتاج فى كل وردية) كل واحدة 8 ساعات فقط بحيث لا تتعارض أى فترة منهم مع وقت الفجر أو وقت المغرب لأنها الأوقات التى وصانا بها الله أن نتأمل فيها و نتعبد و هى أوقات يجب ان تكون ملك الإنسان فلا يكون مشغول فيها بعمل بداخل مصنع مغلق و يستغلها كما يشاء . فأقترح كنظام عمل لمصنع أن يكون بدأ إحتساب ساعات العمل للوردية الأولى من 8 صباحا (و بالشكل دا يكون قضى وقت الفجر لحاله) ثم يمتد العمل ل 8 ساعات أى إلى الساعة 4 و طبعا يحتسب بدء ساعات العمل للمصانع التى تقع خارج المدينة من وقت خروج الاتوبيس خارج حدود المدينة فيكونوا الساعة 8 صباحا راكبين الاتوبيس و خارجين يادوبك من حدود مدينتهم و فى العودة يتركوا المصنع قبل الساعة 4 بوقت كافى حسب مسافة بعد المصنع عن المدينة (ساعة , ساعتين أو زي ما يكون) بحيث الساعة أربعة يكونوا رجعوا يادوبك عند حدود مدينتهم ليستمر بهم الاتوبيس بعد ذلك فى توصيلهم داخل شوارع مدينتهم أسوة بمن يعملون داخل المدينة (يعنى متجيش البيبسى كولا مثلا تبيع أرض المصنع بتاعتها الموجودة داخل المدينة و القريبة لبيوت العاملين و تعملها عمارات تكسب منها مبالغ طائلة و تنقل المصنع لخارج المدينة و يجي دا على دماغ الطبقة العاملة , فإللى عايز يعمل مصنع على الطريق السريع خارج المدينة يدفع التمن) ثم الوردية الثانية من الساعة 9 مساء إلى 5 صباحا , و يومين أجازة فى الإسبوع حتى يستطيع العامل أن يقرأ و يثقف نفسه و يتعلم شيء جديد أو لو كان منخرط فى دراسة فيقدر يجمع ما فاته من أوراقها طوال الأسبوع و يذاكر شوية أو ينفق الوقت مع أبنائه أو يبحث عن فرصة عمل أحسن أو يتفاعل مع أصدقائه و مجتمعه.

الخميس، 22 مايو 2008

ملخص فتاوى صبحى منصور عن الحجاب

ملخص فتاوى الدكتور أحمد صبحى منصور بخصوص الحجاب لمن لا يقتنعون إلا بكلام شيخ من الأزهر فقط

أولا : فتوى بتحريمه و يكون التحريم أشد في حالة النقاب ..

ثانيا : فتوى ردا على مستفسره تسأله مرة أخرى عن الحجاب فيرد و يقول لها إنه ليس فرض و يختم كلامه بأن يقول (وأقول هذا وأنا مسئول عنه أمام الله تعالى يوم القيامة)

ثالثا : فتوى يرد فيها على السائل عن معنى إدناء الجلباب حتى لا تُعرف المرآه .. فيقول له إن المقصود هو المعرفه الأخلاقيه و ليس معرفة من هى
رابعا : فتوتان للسائلين يتناول فيها بعض معانى الكلمات لا تخرج في المعنى عن ما سبق

الثلاثاء، 20 مايو 2008

عاجل : أحدث جرائم العصابة الإرهابية فى مصر

أتمنى أن كل المدونات و مهما كانت تخصصاتها تشارك فى فضح جرائم عصابة أمن الدولة الإرهابية

لى تجربة مع تلك العصابة لكن لم تصل لهذا الشكل , ضغطت على أسرتى للذهاب إليهم لما طلبونى و هناك هددنى عضو العصابة لكى أصدقه فى إجاباتى ثم خرجت و كان عرفنى إنه سيطلبنى قريبا (طبعا بعد أن يحللوا ما أخذوه منى و كان شكله كمان عاوز يشغلنى مرشد) فلما طلبنى و رفضت الذهاب لوكرهم مرة أخرى هددنى بتحمل العواقب "عشان لما أمن الدولة يطلبك مرة تانية تبقى تعرف إن الله حق و تروح" لكن لم أذهب و لم يفعل شيء (ربما يكون راقب التليفون , بس مش متأكد)

و هذه هى تجربة أحمد ماهر , أنا لا اعرفه و لكن تضامنا معه أنشرها هنا نقلا عن الوعى المصرى



أحمد ماهر يحكي تجربته مع الإختطاف والتعذيب

استيقظت صباح ذلك اليوم متعبا بعد يومين من العمل الشاق المتواصل .. فقد كاد عملى يضيع بسبب 4 مايو الذى لم يؤتى بثماره
ذهبت الى عملى مبكرا .. فاليوم لابد من اجراء بعض الحسابات الهامه و طباعة لوحات فى غاية الاهميه و تسليمها للمكتب
لا اعرف لماذا لم اكن متفائلا ذلك اليوم .. اتصلت بكثير من الاصدقاء .. و كنت لاول مره منذ اكثر من شهر اذكر مكانى فى التليفون بصراحه
*ايوه يا زميلى .. انا انهارده فى التجمع الخامس .. فى شارع التسعين .. ايوه فى المعرض ..هامشى على الساعه واحده
*ايوه يا بشمهندس طبعت كل اللوحات و الاستشارى مضى عليها ووافق .. جاى دلوقتى على المكتب
كان بعض العمال قد اعدوا طعام الغذاء و لكنى فضلت التحرك لان هذا اليوم كان مليئا بكثير من المواعيد الهامه
ركبت سيارتى المتهالكه و بدات فى التحرك و لمحت فى المرأه اليتيمه سياره بيجو مسرعه تتوقف فجاه امام الموقع الذى اشرف عليه
جاء خاطر فجأه بداخلى انها قد يكون بها بعض ظباط امن الدوله
ههههههه .. طب كويس انى مشيت
تعانى سيارتى من بعض الامراض المستعصيه التى تجعل تحركها بطيئا و تحتاج لأموال كثيره لكى تشفى و تعود سياره مره اخرى .. زقزوقه حبيبتى اكيد هاصلحها فى يوم من الايام ..دى ياما شاليتنى و انقذتنى من اخطار كتير .. ايه يعنى الكبالن مكسره و علبة الدركسيون بتزيق و لا المقص مكسور و ملحوم اى كلامايه المشكله ان مافيش استبن و مافيش كوريك وواخده كام خبطه ..اول الشهر هاجيبلك بطاريه جديده يا زقزوقه..انا مسميكى زقزوقه علشان الناس بيزقوكى كتيرابتسم فى خاطرى الى ان فوجئت بسياره ميكروباص اجره سوهاج تقطع الطريقايه ابن الهبله ده ..الشارع فاضى و الدنيا صحرا و مش عارف يسوق .. حبكت يركن قدامى
احاول التحرك .. فأجده مصمم على الغلاسه ..ايه ياد يابن ال**** .. اقطع الشتيمه لاننى لمحت ان كل من فى الميكروباص ينظرون إلى بتحفز واضح .. الشرر يتطاير بوضوح من اعينهم .. اول مره المح الشرر ينطلق من العيون ... اجسام ضخمه .. حلاقه زيرو .. نضارات شمس .. يانهار اسود .. انتوا جيتواعود بالسياره للخلف سريعا .. لا اعرف لماذا
ثمانية بغال ينزلون دفعه واحده من الميكروباص و يحاولون اللحاق بى .. يشيرون لشخص ما فى الخلف
انظر خلفى فأجد ثلاث سيارات ملاكى يسدون الطريق مره واحده ..ارتطم بواحده .. اتحرك للامام مره اخرى و يبدأ قذف الطوب و الحجاره على السياره .. هى بقى فيها طوب كمان؟؟
سائق الميكروباص الصعيدى الغلبان يسد الطرق و يصدمنى بظهر سيارته .. ليه كده بس ياسطى احنا غلابه زى بعض .. عملتيها يا زقزوقه .. اخص عليكىافاجىء بأياد كثيره تمتد الى ملابسى و تفتح الباب و تبدأ حفلة اللكمات و السباب.. مباراه
- محدش ليه دعوه .. كله يمشى .. احنا امن دوله .. ياللا من هنا يا ** انت و هواجد نفسى فجأه بداخل الميكروباص ..
- مانت وقعت أهوه يا **** فيه حد يهرب من امن الدوله يابن ال***
- احنا هانعرفك احنا مين يابن ال****
- كسروله العربيه ... كسروا عضم امه ابن ال*** ده .... مش عايزه يبطل صويتهكذا هتف كبيرهم .. و الجميع عنده ضمير شديد فى تنفيذ الأوامر ... ضرب شديد من جميع الاتجاهات .. و بجميع اطرافهم .. إيد و رجل
آآآآآآآآآآآه هكذا هتفت انا رغم محاولتى للتحمل .. لكن الضرب كان فعلا شديد و متواصل .. و من يتعب منهم الباقى يكمل .. و لكن هل اشترك معهم السائق الصعيدى الغلبان أم اكتفى بقيادة السياره؟؟
قبل الضرب تبرع احدهم بوضع التيشيرت فوق وجهى .. و تبرع اخر بتقطيع الفانله الداخليه لنصفين .. و تبرع ثالث بربط النصف فوق عينى و تبرع اخر بربط يدى خلف ظهرى بالنصف الاخر .. و تبارى الاخرون فى تكتيفى و ضربى ... منتهى التعاون فعلا
يتوقف الميكروباص بعد رحله قصيره جدا امام احد المبانى .. احد الشوارع المجاوره .. لابد انه احد فيلات احد الباشوات ..او مقر خفى لامن الدولهيجرجرونى على السلالم و انا معصب العينين وسط ركلات و صفعات و سب لجميع اهلى .. الكبير و الصغير
يلقون بى على بلاط احدى الغرف .. البلاط بارد رغم حرارة الجو ..يا سلااااامياتى احدهم و يستبدل الفانله الداخليه بكلابشات حديديه حول يدى وراء ظهرى و يغلقها على اخرها
*يا ريت تخف الكلابشات شويه ...
- إخرس ياد يابن ال***** ... انت بتتكلم ليه
- قوم اقف ياد ..انت بقى المناضل؟؟ .. انت بقى اللى هاتعمل اللى محدش عمله؟؟؟ ...
انت يابنى هتسافر دلوقتى
- ابقى تعالى *** على قبرى لو شوفت الشارع تانى .. يابن ال*****
- حضروا الكهربا .. الواد ده مش متربى و مش عارف ازاى يعامل اسياده
- احنا ياد اسيادكوا و اسياد كل البلد دى .. هنعرفك دلوقتى احنا مين
- مابتردش علينا ليه
* يعنى اتكلم و لا اخرس ..؟؟؟؟
- ... يا جماعه قولت مش عايزه يبطل صويت .. احنا هانطلع دين امك
* آآآآآآآآآآه
فجأه انفتح مره اخرى دش كبير من الضربات و الصفعات و الركلات من جميع الإتجاهات .. انهم بلا شك لا يقلون عن 15 جثه و أحجام اياديهم و ارجلهم مختلفه فى المقاس و القوه
لا اعلم كيف يحفظون هذا الكم الهائل من السباب .. رغم انى كنت اعتقد ان لسانى طويل لكنى سمعت شتائم لم اكن اتخيل انها موجوده ... قاموس لغوى عظيماستمر دش الضرب و السب اكثر من 30 دقيقه .. تبعه بعد ذلك بعض التوابع القليله لبعض راغبى التسليه
- انت بقى اللى عاملى فيها راجل؟؟؟
- قول انا مره
تذكر فلتلتزم بسلاح الصمت
- قول انا مره
- قول انا مره
و تنهال الصفعات و الركلات مره اخرى كم كنت اود ان اقول له انت مره و لكننى وجدت نفسى اردد* حسبى الله و نعم الوكيل
- و كمان بتحسبن علينا؟؟؟ دا انت هايطلع دين امك
خلاص سيبه هو لما يركب الزحليقه هايقول كل حاجه
فجأه يختفى الجميع ...
تمر الدقائق كالسنين ... إلى ان اسمع اصوات كثيره .. نساء و أطفال و شيوخ و رجال ... زعيق و خناق و شتيمه
مين دول .. هو انا فين ... بس اكيد انا فى القسم
* لو سمحت
- عايز ايه
* هو انا فى قسم القاهره الجديده؟؟؟
- مش قالولك ماتفتحش بوقك ياض
*خلاص انا عرفت .. طب ممكن تفك الكلابشات شويه .. مش هما مشيو برضه .. انت من القسم ولا تبعهم؟؟؟
*خلاص يا عم مش هاسأل تانى .. بس يا ريت تخف الكلابشات شويه
- حاضر المفتاح تحت و هانزل اجيبه
إنه بالتاكيد احد عساكر القسم .. إنه لا يسبنى كما فعل الاخرون .. و لكن اين هم .. و لماذا اختفوا فجاه؟؟؟
- اخف الكلابشات عن كده كمان؟؟
* لا كده قشطه .. شكرا يا ذوق .. ممكن بقى شوية ميه علشان عطشان و الجو حر- حاضر .. انت طلباتك كترت قوى ماتتعودش على كده
يأتى لى بزجاجة مياه و يشربنى
* جزاك الله كل خير .. طلب اخير بقى
- لأ
* طب خلاص
و تمر الدقائق مره اخرى و الذباب يقف على ظهرى و جروحى
* لو سمحت
- ايه تانى .. انت مش بتبطل طلبات
* عايز سيجاره
- نعم؟؟؟
* سيجاره .. انا كان معايا علبة سجاير فى العربيه .. هات واحده و خدها كلها
- طب و هاتشربها ازاى و انت متكلبش
* فكنى او شربهالى
- يا عم سيبك منه انت هاتسمعله كمان .. دا عيل ابن **** انت بتتكلم معاه ليه مش كفايه شرب
* ربنا يسامحك
- انت بتشتغل ايه
* مهندس
- مهندس ؟؟؟؟ طب و هما جابوك هنا ليه
* اصلى معترض على زيادة الاسعار و البهدله اللى عايشينها .. تسمع عن الفيس بوك
- لأ
* طب ممكن سيجاره؟؟
- طيب لما الظابط ينزل بسأخيرا وجدت بعض البنى ادمين فى وزارة الداخليه
- هاولعهالك و هاشربهالك فى السريع .. بسرعه قبل ما الظابط يرجع
* قشطه
- خلاص يا عم شربت السيجاره ... عايز حاجه تانى ... ياريت تتكتم بقى
* حاجه اخيره .. معلش اصل عنيا اصلا تعبانه و اللى رابطها رابط بضمير شويه و عاملالى صداع .. يا ريت تخفها شويه
- طب كمان شويه علشان فيه حد جاى
* انتوا بتتكلموا معاه ليه يا ولاد ال*****
هات ضهرك ياد ... ارفعله التيشيرت علشان ادهنله المرهم
مرهم؟؟؟ ... كريم ؟؟؟؟ غريبه
ياللا انزل معانا ..حاسب السلمه لف يمين يابنى اتحرك متخشب ليه كدهاركب الميكروباص مره اخرى و معى اتنين عساكر او مندوبين غلابه من القسم يرافقهم ضابط امن الدوله ابو مرهم
اجلس على الكرسى الخفى نائم مختفى عن انظار الماره ... و يستمر صديقى الذى لا اعرف اسمه فى امدادى بكام نفس كل ما اطلب منه
اساله ... * هو الظابط اللى راكب العربيه معنا اسمه ايه؟؟
- و الله ماعرف .. بس هو ابن *****
* طب تعرف اسم اى ظابط من اللى جابونى القسم ؟؟؟؟
- لأ ... و اسكت احسن لك
* احنا رايحين لاظوغلى طبعا
- مش عارف
* بس انا عارف
- و عرفت منين و انت متغمى .. انت شايف ولا ايه
* لا يا عم .. من الاتجاهات .. انا مهندس .. دماغى جواها خريطه
- ماشى يا خفيف .. بس انا اخرى معاك على الباب .. هناك مش هاعرف اعملك اى حاجه
تمر على الافكار مجتمعه تاره و متفرقه تاره ... ترى هل علم احد الزملاء بذلك .. ترى هل تحرك أحد .. لو تم سجنى ..من سيدفع عنى اقساطى و ديونى الكثيره ... و من و كيف و هل ... ياللا بقى .. كله بيطلع فى الغسيل
- ياللا علشان نازلين ..وطى علشان الباب
اتذكر تلك رائحة فى هذا المكان ...رائحة التعذيب و الموتى... حضرت الى هنا منذ عامين بعد خروجى من سجن طره .. و لكن وقتها كنت ارى كل شىء و لم يغمينى احداتذكر شكل تلك البلاطات التى امشى عليها الان .. و تلك العتبه التى تفصل بين العالم العلوى و السفلى
اتذكر رائحة دورات المياه التى فى الممر الذى تحت الارض بجوار زنازين الاسلاميين .. لابد اننا مررنا عليها .. هل سيضعوننى فى تلك الزنزانه الى كنت اسمع من بداخلها يطلبون الرحمه من الله و يصرخون
اتذكر ذلك السلم الحديدى الذى اصعد عليه الان .. رأيته منذ عامين و كنت اجلس امامه منتظر انهاء اجراءات الافراج و كان المعتقلين الاسلاميين و الشباب الملتحين يصعدون عليه على ارجلهم و ينزلون عليه محمولين و فاقدى الوعى ... و لكن.. لماذا انا صاعد عليه الان.
. ينتهى السلم و الكعبله.. ثم ادخل فى طرقه ثم مصعد
يرافقنى ثلاث على ما اعتقد .. ضاط امن الدوله و الاثنين الغلابه من القسم
- هاتودوه لمين
- عمرو بيه
- مش عارف هو فين .. اطلع بيه الاداره على طول ...هو احزاب ؟؟؟ انت تبع حزب ايه؟؟؟
* كله زى بعضه
- انت ردودك مستفزه على فكره .. خف شويه
- اقف هنا
تمر الدقائق و استمع لحوار العساكر و المخبرين و ضحكهم و كلامهم عن البنات و الحشيش و الدنيا و الحياه
اضحك و اشترك فى الحوار .. و اهو كله يفيد التانى بخبراته
فجأه يصمتون .. و اسمع اقدام ثقيله تقترب ... و يصيح بصوت رهيب
- انت بقى اللى عمال تسخن الناس
و تنهال الضربات و الصفعات و اللكمات.. و فجاه يتركنى و يكمل طريقه
- معلش يا أحمد مفيش فى ايدى حاجه اعملهالك هنا
* ............
اسمع الكثير من الاقدام التى تقترب .. شكلها هاتبقى حفله .. استر يا رب
- انت بقى اللى عاملى فيها زعيم و مش هامك امن الدوله .... هاتولى ابن ال**** ده على جوه
كثير من الايادى تسرع لتلبية النداء .. مع بعض المجامالات بكام ضربه على كام شلوت ... و لزياده فى المجامله يتم جرى على الارض .. إلى أن أدخل مكتب واسع مكيف به موكيت على الارضيه تنبعث منه رائحة الفخامه .. ده شكله مكتب حد من البشاوات الكبار قوى
- بص يا باشا .. احنا نطلعله أمر إعتقال و نخلص منه
- وليه ... هو هايخر بكل حاجه دلوقتى
- يا باشا دا صنف ابن **** .. الاشكال دى لازم تتربى علشان يعرفوا احنا مين ... يابنى انت حشره .. ولا حاجه..و اى حد بتتحمى فيه ولا هايعرف يعمل لك حاجه... الاحزاب بنت ال**** و شوية ال**** اللى عاملين مراكز حقوق انسان دول نلمهم فى عربيتين
بالطبع لم ينسى هذا الضابط الطيب ان يدعم أقواله ببعض السباب لجميع الشخصيات السياسيه فردا فردا من جميع التيارات من اقصى اليمين لأقصى اليسار ايمن نور, جميله اسماعيل , امير سالم , اسامه الغزالى حرب , مجدى احمد حسين , محمد عبد القدوس , جورج اسحق ... بالاضافه الى اهلى اللى ماعرفوش يربونى
و جلس الباشا الكبير على مكتبه .. و سمعت ازيز الكرسى و جلس حوالى 4 او 5 ضباط اخرين بإختلاف اصواتهم.. بخلاف بعض المخبرين عند الحاجه لأى مساعده- قوللى بقى يا بتاع الفيس بوك انت ... ازاى يجيلك استدعاء من 10 ايام و ماتجيش
* انا مجاليش اى استدعاءات
- رد على الباشا عدل .....
و تبدأ مسابقة الضرب و الركلات
* آآآآآآآآه
- هاسألك السؤال تانى .. ازاى يجيلك استدعاء بك..... و ماتجيش يابن ال***** دا كان مجرد تليفون اللى جالى ... ماكانش استدعاء رسمى ..و كان الكلام عن دردشه مش استجواب
- لأ .. ده اسمه استدعاء ... انت بقى ماجيتش لييييه؟
- يا باشا سيبنى عليه شويه دا عيل لبط .. سيبنى اعدلهولك شويه
* ماكنتش شايف أى فايده أو هدف من حضورى هنا
- احنا بس اللى نحدد ايه المفيد و ايه غير المفيد ... مش انت
- يا باشا دا عيل مش متربى يا باشا ... سيبنى اظبطه شويه ... الكهربا جوا جاهزه- و ليه الكهربا ... هاتتكلم عدل ياد ولا نخليك تخر بكل حاجه لوحدك؟؟
و تبدأ مسابقة الضرب و الركلات كأنى كره فى ملعب واسع
* أآآآآآآآآآآآآآآآآه .... آآآآآآآآآآآآآآآآآآآآآآآآآآه ...
- ايه بقى باسوورد الجروب
* مش فاكر اصلى كنت كاتبه فى ورقه و ناسيها (صفعه قويه)..... آآآآآآآه
- يا جماعه انتوا إزاى تجيبوهولى مش متظبط ... ظبطوه الاول قبل ما يدخلى ... هاتوهولى جاهز علشان الوقت و تعب القلب
انقض على الجنود و الضباط الاشاوس المغاوير حماة الوطن .. حماة الامن و الامان فى مسابقه جديده للركل و الصفع و السب ... و بدأ البعض فى تقشير ملابسى .. و تطوع احد الضباط المحققين بسحبى على وجهى و صدرى على الارض و خرج بى خارج المكتب ابو موكيت الى الطرقات ام بلاط وسخ .. مسحولا على وجهى يجرنى هو و يساعده أخرون عندما يتعب
اتذكر اننى فى المرحله الابتدائيه كنت اسمع احدى المدرسات تهدد الفصل .... إللى هايتكلم هامسح بيه البلاط .... و كنت اتعجب وقتها .. كيف يكون ذلك ... و اخيرا جائنى الجواب بعد عشرين عاما ... هذا هو مسح البلاط .. اديك جربت ازاى يتمسح بيك البلاط .. مبسوط؟؟
و لكن ماذا اقول للباشا الذى يتتظر الباسوورد
- افتكرت ياد يا ***** ولا نجيب العصايه ... هاتولى اتخن عصايه عندكوا* افتكرت ... اعتقد كان مكتوب كمان فى رساله على الموبايل.. مش فاكر مسحتها ولا لأ
- استنى كده ... موجوده .. دى مبعوتالك من رقم اسراء ... هى لسه بتدخل؟؟؟
* لا يا باشا مابتدخلش على الجروب
- احنا عارفين من غير ما تقول
يا رب محدش منهم يجرب الباسوورد .. بس الغريبه ان كمان محدش سألنى عن الايميل ... شكل الظباط اللى بيفهموا فى النت لسه ماجوش
- مين بقى مشيره؟؟
* مشيره؟؟
- انت هاتستعبط ... يا جماعه قولنا ظبطوه
تعود مره اخرى لمباراة الصفع و التنكيل .. لم اكن اعرف من اى اتجاه تاتى الضربات.و اللكمات .. و لكنى متأكد اننى لو كنت حر اليدين و ارى وجوههم ما استطاع احد او جرؤ على ذلك
* آآآآآآآآه ... ايوه ايوه عارفها ... مالها؟؟؟
- اسمها ايه بالكامل و ساكنه فين؟؟؟
* ماعرفش
- لا تعرف
* هاعرف منين ... ماعرفش ....(ضرب) آآآآآآه ... ماعرفش ....(ضرب) أأأأأأأأأه
- طب و فاطمه
* هاعرف منين ... ماعرفش .... آآآآآآه ... ماعرفش .... أأأأأأأأأه
- طب و ايناس
* هاعرف منين ... ماعرفش .... آآآآآآه ... ماعرفش .... أأأأأأأأأه
- طب و عمر
* هاعرف منين ... ماعرفش .... آآآآآآه ... ماعرفش .... أأأأأأأأأه... محدش يعرف حد ... كله من على النت
- طب و ...... طب و .......
- ايه علاقتك بجميله اسماعيل .. و ليه بتبعتلك رسايل
* ماهى بتبعت للناس كلها ... كل الاحزاب و القوى ايه المشكله لما تبعت لى
- نجلاء بدير .. احمد محسن .. فهمى هويدى ...اسئله .. اسئله .. اسئله
* اجوبه متناثره يتخللها اصوات ضرب و صراخ
يكتفى الباشا بهذه الاسئله و اجوبتى التى تشبه المهلبيه ..و يصمت لفتره و انهض لأقف مره اخرى .. و اسمع وقع خطوات تاتى من بعيد تقترب منى .. ثم قجاه اتلقى صفعه على اذنى اليمنى فأرى نورا مبهرا رغم الظلام الدامس .. و فجاه اسمع تصفير غريب .. كأنهم جميعا ابتدئوا فى الصفير .. و لاول مره فى حياتى اتأكد من صحة ما كنت اراه فى كارتون توم و جيرى من عصافير و نجوم تدور حول من يتم ضربه على رأسه .... لقد رأيت تلك العصافير الصغيره و النجوم بالفعل.. ... هل زار مخرجوا تلك الافلام مبنى امن الدوله فى مصر من قبل؟؟؟
- خلاص خدوه .. و إحمد " ربنا" انك وقعت فى ايد حد حنين .. ممكن بعد كده تقع فى ايد حد ما بيرحمش
ما هذا .. لقد نطق الباشا كلمة " ربنا" ... هل يقصد " ربنا"؟؟ هل " ربنا" هو " ربه" ام يقصد "رب" اخر
و لكن على اية حال واضح من كلامه انه له "رب" و قد كنت اعتقد ان هؤلاء البشاوات يعتقدون انهم هم الالهه .. لابد انهم مقتنعون انهم ارباب متفرقون يجمعهم " رب" كبير فى وزارة الداخليه او فى رئاسة الجمهوريه
و لكن ربنا نحن يأمرنا بالرحمه و سوف يحاسبنا على ما نفعله .. بالتاكيد لم يأمرهم ربهم بذلك و بالتاكيد هم مقتنعون انه لن يحاسبهم
يا ربى حمدا لك انى اعبدك انت وحدك .. لا شريك لك .. و لا اعبد رب هذا الباشا و من معه . فانت الرحيم . و انت المنتقم
يقتادنى العساكر و الامناء للادوار السفليه ... انزل على نفس السلم الحديد لا تقوى رجلى على حملى.. اتذكر شكل ذلك الشاب الملتحى من سنتين
يتم استبدال الكلابشات باخرى قديمه مؤلمه و يتم ربطى فى باب حديد .. تمر الدقائق و ادخل فى النوم
- انت يا ابنى ياللى نايم و انت متكلبش .. انت ازاى نايم كده؟؟ .. انت تبع ايه؟ ... شكلك كده عيل روش و جاى غلط
* فيس بوك
- مين؟؟؟
* مش مهم ... ممكن بس تفك الكلابش من الباب او تربطنى عدل علشان عايز انام شويه
تمر الساعات و انا نائم بالكلابشات و الغمامه على عينى و ملقى على الارضاتذكر محمد الشرقاوى منذ سنتين .عندما كان يتعجب قائلا يابنى انت ازاى بتعرف تنام كده فى اى حته و اى زنزانه و اى وقت
- مش انت اللى الظابط كلمك فى التليفون من عشرتيام
* اه
- طب هو اجازه انهارده .... انا كلمته و جاى دلوقتى و اكيد مش هيوافق على اللى حصل
* يا رااااااجل ههههههههههه
- بتضحك على ايه ... انا غلطان ... خليك كده مرمى لحد ما يبان لك صاحباصعد معه بعد قليل للضابط الذى يقولون انه قطع اجازته لإنقاذى ... يؤنبنى بسبب دماغى الناشفه ثم يصطحبنى للمدير و تبدأ النصائح الابويه الحنونه
- احنا مش ضدكوا .و لا سفاحين زى ما جرايد المعارضه ما بتصورلكوا ... و البلد قطعت شوط كبير فى طريق الديمقراطيه ... بس الشعب المصرى هو اللى مش مهيأ للديمقراطيه
* امال ايه اللى حصلى انهارده ... يعنى كل الضرب ده و كان مثلا بيتهيألى؟؟
- معلش .. اعتبرنا زى والدك
* *********
- احنا و الله مش بننجح الفاسدين فى مجلس الشعب ولا بنساعد الحزب الوطنى .. بس هى البلد كده .. و احنا برضه بنكشف قضايا فساد كتير
* *********
- فكر فى حزب او جمعيه اهليه او مركز دراسات ... لكن الفيس بوك لأ لأ لأبالطبع لم يكن النقاش مثمر او مفيد و لا اعرف ما الذى دفعنى للنقاش معهم ... استعنت بسلاح الصمت مره اخرى و جلست استمع مع هز رأسى بين كل فتره و اخرى كدليل على الاقتناع التام .. رغم ان رقبتى كانت قد تسمرت على اتجاه واحد و رفضت اى حركه يمينا او يسارا
تزداد الالام فى جسمى بمرور الوقت ... تزحف ببطء و ثقه تامه من الوصول لجميع انحاء جسدى .. يدى اليمنى لا استطيع تحريكها .. اذنى اليمنى ايضا و ياللصدفه لا استطيع ان اسمع بها .. أحس و ياللغرابه ان هناك من ضربنى ضربا مبرحا منذ قليل
- حاجاتك كامله؟؟؟
· لا فيه كاميرا فيديو ديجيتال ناقصه .. دى غاليه و كمان جايبها بالقسط .. لسه مشتريها من شهرين .. كان مقدمها 500 و قسطها 150 فى الشهر
- هاندور عليها ... سلام يا احمد و فكر كويس
*الو
* الو
* انت كويس؟؟
* كويس
* عملوا فيك ايه؟؟
*حاجات كتير عملوها و حاجات كتير ماعملوهاش
*كنت خايفه قوى عليك
* من ايه ؟؟ .. ماتخافيش
* ........
* بطلى عياط و متخافيش
* احمد انا حجخعبيتنبمرؤالساكنسسجخصخ
* ايه؟؟؟ .. بطلى عياط مش فاهم منك حاجه
عفوا ... لقد نفذ رصيدكم يرجى اعادة شحن البطاقه

تمت

الأربعاء، 7 مايو 2008

رأيي في ختان الذكور

أيتها المرآة لا تتزوجى رجل مختون


جريمة ختان الأولاد

تعرف لأول مرة على الأضرار

شرح لن تقرئه فى أى مكان أخر


بسم الله

أولا: معلومة أساسية تكونوا عارفينها قبل ما أبدأ الكلام فى الموضوع دا و هى إن الله لم يخلق شيئين , ذكر و أنثى بل خلق شيء واحد و هو الإنسان بشكلين: الذكر و الأنثى . و بالتالى من هنا ورايح توقعوا أن كل شىء (حسى او معنوى) و كل عضو و كل جزء فى جسد الواحد منهم فموجود مثله تماما و بالضبط فى جسد الأخر و لكن كل ما فى الامر إنه أخذ شكل و مظهر بس مختلف شوية , يعنى أكبر شويه أصغر شويه مخفى شويه أو مترحل شويه عن مكانه , لكن موجود ؟ آه موجود , و بيدى نفس الإحساس ؟ آيوه بيدى نفس الإحساس .

ثانيا: الأجزاء الحسية (أقصد الحساسه) فى الأعضاء الجنسية لدى الإنسان عددها ثلاثة و هى كالأتى:-

  1. الشفرين الصغيرين فى الأنثى (أنظر الرسم تحت إسم Labia minora) و رغم إن الإسم مثنى (شفرين) إلا إنهما فى الحقيقة متصلين ببعض و ما هما إلا شيء واحد عبارة قطعة جلد متصلة بشكل دائرى تحوم حول تجمع فتحة المبل و فتحة البول و البظر و هذان الشفران الصغيران (إللى هما زى ما عرفنا شيء واحد متصل) يناظران بالضبط قطعة الجلد الدائرية المغلفة لرأس القضيب و التى يتم قطعها فى الأولاد فى عملية الختان و يسمونها الغرلة أو القلفه (أنظر الرسم بالأعلى تحت إسم foreskin)
    و هذا الجزء حساس للإثارة الجنسية و يعطى الأنثى شعور معين بالمتعه و قطعه يعنى حرمانها إلى الأبد من هذا الشعور المعين الناتج عن هذا الجزء

    بالإضافة إلى أن هذا الجزء يقوم بإفراز سوائل مرطبة معينة لها وظائفها و إستئصال هذا الجزء يعنى حرمان الأنثى من حقها فى أن تكون كاملة ذات أعضاء كاملة تقوم بعملية تامه غير منقوصه
    أما إستئصاله لدى الولد فيعطى تأثير كارثى أكبر , ذلك إنه ليس فقط يحرم الذكر من جزء حساس كان من المفروض ان يستمتع به و يحرمه من إفرازات طبيعية كان هذا الجزء سيفرزها بل هناك ضرر أكبر و أخطر ذلك إنه يتسبب فى تدمير و موت الإحساس فى الجزء الحساس الثانى كما سيتضح لكم من القراءة بعد قليل .

  2. الجزء الحساس الثانى هو رأس قضيب الذكر و يماثله فى المرآة البظر (أنظر فى الشكل تحت إسم Clitoris) و هذا الجزء حساس جدا فى المرآة و من شدة حساسيته أن هناك إعتقاد أنه أكثر الأجزاء الحساسه التى تسبب إثارة لدى المرآة و هو إعتقاد خطأ لأن أكثر الأجزاء الحساسة هو الجزء الثالث كما سأتحدث عنه بعد قليل و لكن المهم الأن أن هذا الجزء يسبب إستمتاع كبير للمرأة و يمكن ان يصل بها لقمة نشوتها (Orgasm) و كان المفروض أن هذا الجزء يكون حساس و ممتع أيضا للذكر و بنفس القدر و لكن هذا غير حقيقى للذكور المختونين و لا يوجد فيه أى إحساس من أحاسيس الإستمتاع و الإثارة الجنسية لديهم و السبب فى ذلك هو الختان الذى تعرضوا له فى الصغر فلو نلاحظ فى رسمة الأعضاء الجنسية للأنثى فالبظر محاط بغطاء جلدى هو نابع من أو تكلمة لإمتداد الشفرين الصغيرين و مشار إليه فى الرسمة بإسم (Prepuce of clitoris) و ترجمتها غرلة البظر , و كنتيجة لختان الاولاد


    • تتضخم رأس القضيب لتعوض الجزء المبتور

    • تصبح رأس القضيب معرضة للهواء بإستمرار و للإحتكاك بالملابس بدلا من مبيتها الطبيعى داخل غلافها الجلدى محمية و وسط إفرازات رطبه و بيئة لينه
    و عندما تكون رأس القضيب (و هى المفترض ان تكون صغيرة و رفيعة لتشق طريق القضيب أثناء دخوله فى المهبل) أضخم من الطبيعى تكون بالتالى عملية الإيلاج أصعب لدى هؤلاء عند ممارسة العلاقة مقارنة بغيرهم الذين لم يجرى لهم عملية الختان , ثم إنه نتيجة تعرض الرأس بصفة مستمرة للهواء و الإحتكاك بالملابس بعد فقدانها غطائها الجلدى يصير العصب فى حس أو حفز دائم ينتهى بان يصبح الغشاء على الرأس حبيبي و يتغير لون رأس القضيب بدلا من اللون الوردى الفاتح (فى حالة الذكر ذو البشرة البيضاء مثلا) الدال على الحياه و الحساسية فى هذه القطعة من الجسم ليصبح لون شاحب أو غامق يعبر عن موت الإحساس الجنسى تماما فى منطقة رأس القضيب و بالتالى و للمرة الثانية ها هو المختون يفقد جزء أخر من الأجزاء الجنسية الحساسة فى جسده .

  3. الأن نأتى للجزء الحساس الثالث و هو الجزء الوحيد المتبقى للذكور الذين أجريت لهم عملية ختان و هو الجزء الواقع بعد رأس القضيب مباشرة من أسفل العضو و يماثله لدى الانثى جزء داخل المهبل فى سقف المهبل من أعلى تحت البظر تقريبا لكن من الداخل (و إسمه بالإنجليزي G-spot و هو غير موجود بالرسمة لأنه جزء داخلى فى الأنثى و كذلك فى الذكر هو تحت سطحى) و هو و للمناسبة أشد الأجزاء كلها فى الحساسية و هو للمختونين سلاحهم "الباقى" و "الأخير" للإستمتاع بالجنس و لا سبيل أمامهم إطلاقا (إطلاقا معناها إطلاقا) للشعور بالسعادة الجنسية إلا بالتركيز بالتفكير و بالإحتكاك و الضغط على هذا الجزء هكذا مباشرة و من أول العملية الجنسية و إلا فلا معنى لأى مداعبات أخرى فى أى مكان أخر . و إذا تخيلنا أن العملية الجنسية لديهم ستبدأ من بدايتها على هذا الجزء (كدا خبط لزق) السريع التأثر جدا بالمداعبة , فماذا تتوقعوا أن تكون النتيجة ؟ ... هناك ذكور سيصلون لنشوتهم و يقذفون سائلهم المنوى بعد فترة قصيرة من البداية (مش قلنا فى أول الكلام: أيتها المرآة لا تتزوجى رجل مختون) . أما لو كانوا غير مختونين لإستطاعوا فى ممارستهم الجنسية الإبتداء بالتركيز (فكريا و بالإحتكاك) على الجزئين الأول و الثانى بدلا من التركيز تماما على الجزء الثالث فائق الحساسية لحتى بعد فترة من الوقت بالتالى تطول مدة ممارستهم للجنس مع شريكاتهم . لا أقول إن هذا هو سبب فى الجميع لسرعة القذف و لا أقول إن هذا هو السبب الوحيد .
دا البيبي إللى بنستلمه من ربنا و إللى علينا: إننا لا نقطع جزء من أعضائة أو أعضائها الجنسية و لا نخرم ودنها و لا نرسم صليب على معصمه أو أى شيء أخر يمس سلامة البيبى الجسدية حتى يكبر بسلام و يصل لسن الرشد

الجزء الثانى

أولا الرد على الكلام الفاضى :

يقول الكلام الفاضى إن هذه العملية تسمى طهارة , و أن الغطاء الجلدى محتمل تصل إليه قطرات بول , ثم إن له إفرازاته و بالتالى سيحتاج إلى عناية فائقة فى النظافة إن لم نجريها (و خصوصا الأطفال لن يجروها لأنفسهم) فالأحسن نقطعهم حتى لا تنشط الجراثيم فى تلك المنطقة فتؤدي إلى أمراض أو إلتهابات ، ومن هنا يكون الختان طريقا وقائيا يحفظ الإنسان
ليت شعرى لماذا لا ينطيق نفس الكلام على الإناث و فتحة البول محاطة و مغلفة مرتين (مرة بالشفرين الصغيرين و مرة بالشفرين الكبيرين) و بجوارها فتحة المهبل و هى أهم و الأن لا يوجد عاقل يقدر أن يفتح فمه و يؤيد ختانهن و حتى لو أجريتم لهن ختان بأبشع صوره و قطعتم الشفرين الصغيرين قطعا كاملا فمازالت فتحة البول فى قلب تجويف عميق من الشفرين الكبيرين ... و مش هيخرج فتحة البول للسطح غير إنكم تجيبوا فاس و تفحتوا المنطقة بالكامل و تسووها زى الزحليقة أو كوع الماسورة ... فإن لم تفعلوا و لن تفعلوا طبعا فأقروا إذا بعدم ختان الذكور لسقوط حجتكم.

و ما بال أغلب الذكور فى العالم غير مختونين و لا يعانون من الامراض كما تصورون و نجد أن ختان الذكور يقل فى العالم

على اليسار الأخضر نسبة الذكور فى العالم غير المختونين و الأحمر نسبة المختونين ثم على اليمين بيان إنتماءات المختونين المختلفة و لاحظ أغلبهم فى اللون الأصفر و عليه شعار العالم الإسلامى
كل الصينيين و اليابانيين و كوريا الشمالية و فيتنام و لاوس و كمبوديا و بورما و تايلاند و الهندوس و السيخ و أهل الدول الإسكندنافية و أغلب مالينسيا و أغلب الأوربيين و أغلب الرجال فى دول الإتحاد السوفيتى السابق و امريكا الوسطى و الجنوبيه و نيوزيلاندا و الماو و الشباب فى بريطانيا و دول الكومنولث و أستراليا و نصف الماليزيين و فى أمريكا (و هى على فكرة دولة متدينة و بالتالى سيكون هناك تأثير على أهلها بدرجة ما بالعهد القديم الذى يحتوى على الختان) يوجد غير مختونين و لكن ربما ليسوا غالبية و يذيدون كل يوم ... المهم إن كل دول عايشين بسلام.

و ما بال الحيوانات و كلها غير مختونه (مثل الحصان إللي بيجر العربية الكارو فى الشارع) و هى اولى أن تفتك بها تلك الأمراض لو صدق هذا الكلام لأنها تعيش فى الأماكن التى يسهل إلتقاط الجراثيم منها فالكلاب و القطط الضالة تعيش فى الشوارع و جنب الزباله و الخيول فى الإسطبلات و لماذا لا يختن الدكتور البيطرى فى المزرعة الأبقار و الأغنام و الطيور و ... ليقيها شر العدوى إذا.
ثانيا الرد على الكلام الفارغ :
من المؤسف أن تجد من يقول إن هناك دراسة كذا و كذا خرجت بإحصاء أن المختونين أقل فى حالات الإصابة بمرض الإيدز مثلا أو أى شيء اخر و لكن ما يقدم للناس على إنه دليل يؤيد الختان هو مجرد رصد لنتيجة و ليس دليلا على جدوى تماما مثلما نقول أن حوادث الطرق تقلل التعداد السكانى لوجود قتلى فيها , فلا يعنى ذلك أن نشجع على حوادث الطرق كوسيلة للسيطرة على النمو السكانى أو أن نقول إن عدم إتباع الشروط الصحية يذيد من الوفيات و بالتالى يقلل من النمو السكانى فنهمل إذا الشروط الصحية لنفوز بإنخفاض فى عدد السكان.
ثالثا الرد على الكلام إللى ملوش لزمة :
تظهر دراسات إحصائية عملها إنها سألت أناس مختونين إن كانوا يعانون من مشاكل أم لا ثم تطلع بنتيجة أن إجاباتهم لا تعطى إنطباع بمعارضة الختان , لكن تلك الدراسات تستفيد من أن المختونين قد أجروا غالبا تلك العملية أثناء طفولتهم المبكرة و المبكرة جدا فلا يمكن أن يكونوا قد إختبروا كفائتهم بدون ختان ثم بختان. و ممكن فى الحياة أن ترى أمثلة على ضحايا أو مظلومين و مقهورين يكلموك بغباء عن النعمة اللى عايشين فيها و كان من ضمن جيوش الولايات الأمريكية الجنوبية عبيدا زنوج يحاربون ضد الجيوش الشمالية التى تبتغى تحريرهم , يفعلون ذلك و هم يحسبون إنهم يحسنون صنعا , و ترى نساء يدعون بنات جنسهن للحجاب بل و أخرى قد تحمل لافته كتب عليها عبارة مثل "حريتى فى الحجاب" و تسير بها فى مظاهرة.
تلخيص أبرز أضرار ختان الذكور فى نقاط
  • تضخم فى حجم رأس العضو لتعوض عن الجزء المبتور مما قد يسبب مشاكل فى الإيلاج أثناء العملية الجنسية
  • تعرض رأس العضو للهواء بصفة مستمرة و الإحتكاك بالملابس و التعرض المستمر لبيئة جافة بدلا من بيئة لينة و رطبة بإفرازات طبيعية لو كانت موجوده بداخل غلافها الجلدى و هذا الحفز المستمر للعصب الحسى يؤدى لأن يكون الرأس أقل حساسية و تظهر حبوب على غشاء رأس القضيب
  • محتمل أن يكون أكثر عرضة لسرعة القذف بل هناك هناك إفادات فعلا عن سرعة القذف بسبب الختان و تكون المشكلة أعمق إذا كانت شريكته فى العلاقة مختتنه فبينما تحتاج هى لوقت أطول من العادى لتصل لنشوتها يفرغ هو على العكس منها بعد فترة زمنية قصيرة (هناك فرق فى السرعات , أخدين بالكم ؟)
  • القطع يتم إعتمادا لذوق الجراح و ضبطة يده و مهارته و مدى درايته و علمه (لو كان عنده علم أصلا مكنش قام بهذه العملية من الأساس إذا لا علم له و لا دراية) و البتر كله يسبب مشاكل (شاهد التقرير المصور فى الجزء الثالث) و لو ذاد البتر فى منطقة الجي سبوت الخاصة بالذكر لحدثت كارثه (شاهد التقرير المصور فى الجزء الثالث)
  • إحتمال نشوء ما يعرف ب skin bridge (راجع الصور فى الجزء الثالث)
  • تشوه العضو أو إصابته إصابة مدمرة أو فقده بالكامل أثناء العملية حتى لو قام بها طبيب جراح (شاهد الصور فى الجزء الثالث)
  • الصدمة العصبية للطفل و الحمل العصبى على الأهل
  • تعود على قسوة قلب الأب و الأم على الطفل
  • بينما تكون منطقة الجى سبوت فى المرآة داخلية و مدفونه فعند ختان الذكور يتم تعرية تلك المنطقة و إزالة غطائها و جعلها للسطح أقرب ما يمكن فماذا تتوقعوا غير أن يكون رجال مجتمع من هذا النوع سريعى التفكير فى الجنس و الميل للشهوة و العلاقات و الزوجات , (أوليس عصب الأسنان عندما يكون قريبا من السطح أو مكشوفا يكون الشعور قويا و مؤثرا)
  • قبل كل ذلك فتلك العملية البشعة هى إعتداء من الأهل و من الطبيب على جسد لا يملكوه و صاحبه لا يستطيع الدفاع عن نفسه و محدش خد إذنه أو سأله أو خيره
الجزء الثالث

تمثيل لحركة القضيب الطبيعى غير المختون أثناء الممارسة الجنسية , لاحظ مشوار الحركة لعمود القضيب بأكملة داخل الغلاف الجلدى و لاحظ كيف تتباعد و تتقارب المسافة بين النقطتين (B) , (A) خلال تلك العملية و يتسع محيط القطر ليستوعب الرأس و ينكمش بعد ذلك , و لاحظ اللون الوردى للرأس و نعومتها و رطوبتها و كذلك منطقة الغطاء الجلدى

و على العكس , القضيب المختون لا يوجد فيه عند الإنتصاب مقدار كافى من الجلد لينزلق جيئة و ذهابا داخله و عليه أن يؤدى العملية الجنسية بحركة صلدة بإحتكاك على المهبل مباشرة و كذلك تكون منطقة الرأس و المنطقة التى تليها جافة بل و قد تحدث بها تشققات فتكون بوابة للإصابة بالأمراض التى تنتقل من الممارسة الجنسية مثل الإيدز , و لاحظ حلقة الندبة الغامقة أثار الإستئصال

رأس القضيب كان المفروض أصلا ان تكون عضوا داخليا و لكن بالختان و قطع غطائها الجلدى تحولت إلى عضو خارجى , و بدون الغطاء تعرضت الرأس للعوامل الخارجية مثل الهواء و الملابس و الشمس و الصابون و ... فتجف الرأس و ينمو عليها جلد قاسى (مثل حالة قدم الرجل التى يمشى عليها عارية فى الشارع أو على رمال الشاطىء أو بإستخدام حذاء غير جيد فينمو عليها جلد قاسى) و يتضح فى الصورة شكل الجلد الجاف على رأس القضيب و على منطقة الغلفه المبتوره و كذلك التشققات و مثل هذا السطح ممكن أن يصنع إحتكاك أو برى أثناء ممارسة الجنس و خصوصا أثناء الإيلاج. و على العكس تكون رأس القضيب غير المختتن كما تظهر فى الصورة و ممكن أن يكون أحد أسباب مشكلة جفاف المهبل هى القضيب المختون للشريك. والختان قد أزال 50% من الجلد المفترض ان يكون فى ذلك المكان بأعصابه و نهاياتها و أدى لفقدان الإحساس فى القضيب و يضطر الرجل لتخطى المتع الرقيقة و المداعبات (لأنها تعتمد على شعور فى تلك المنطقة و لم يعد ملكه) و القفز فورا إلى الجماع المفاجىء.

و فيما يلى مجموعة صور توضح ال skin bridge و الصور كافية لا تحتاج إلى شرح



ضياع الفرنيولم ... "frenulum"
الختان قد ينتج عنه ضياع الفرنيولم و هى الجزء الموضح فى الصورة و مماثلة للموجودة تحت اللسان و فى الشفة العليا , و لو ضاعت فى القضيب إذا عبثنا بالجى سبوت. و فيما يلى صورتين توضح الاولى قضيب بفرنيولم سليمه و اخر مختون ضاعت منه الفرنيولم



الختان هو بالضبط حادث تتعرض له , مثله مثل حادث السيارة التى تتهشم و تنبعج و ربما يموت فيها ضحية
و حوادث و ردود فعل كثيرة ممكن ان تحدث عقب عملية الختان مثل إنسحاب القضيب بعد الضربة الوحشية التى تعرض لها و أدت لبتر جزء منه فيتراجع القضيب لداخل الجسم فى الجلد و منطقة العانة الدهنية و يختفى
و لعلاجه أنظروا ماذا فعلوا
الثقب
مادة متقيحة فى كيس
تضخم فى الاوعية الليمفاويه و عدوى فى الجرحبتر القضيب
الجزء الرابع

الجنس مع المختون كله تف

المختون يعانى كما سبق و تكلمنا من جفاف شديد جدا فى منطقة رأس القضيب و بالتالى يستحيل عليه الإيلاج فى الانثى فى كثير من الأوضاع و مع كثير من الإناث و مع السيدات السمان (لإنه مع السيده السمينه لا يرى مكان الإيلاج و يعتمد على إن القضيب سينزلق للمكان الصحيح فى حين إن القضيب المختون جاف خشن لا ينزلق) إلا بطلوع الروح و لأنه يعرف مشكلته التى لا حل حاسم لها فهو يتف بإستمرار طوال عملية الجنس . يتف على رأس قضيبه و يتف على راحة يده ثم يمسحها فى رأس قضيبه و يتف على مهبل شريكته و العمليه كلها تف فى تف . مع كل وضع جديد يتخذونه يتف و مع كل إيلاج جديد من أول و جديد يتف و هو يهدف بهذا التف ان يلين رأس القضيب و يطريها باللعاب لكى يسهل الإيلاج و إلا سيستحيل عليه و يسبب ألم لشريكته مع محاولاته الخشنه
و إن لم يتف فلابد أن يستعمل كيماويات يدهنها على رأس قضيبه خصوصا لتجعله زلقا (مثل كيس الفازيلن أبو ربع جنيه من الصيديله) و طبعا هناك ما هو مخصص أصلا كملين للإتصال الجنسى تسأل عليها فى الصيدليات فى الخارج (و لا أردى إن كان منها فى مصر أم لا) تحت إسم lubricant for intercourse و هى تكلفه ماديه و تدخل كيميائى فى عمليه أصلا مفروض ان تتم بشكل طبيعى بدون اى صعوبه , لكن الذكر مختون و هذا هو السبب و قد يضطر لإستخدام الواقى لان سطحه يكون مدهون بتلك المواد فبعد وضعه يمكنه الإيلاج و هناك من يظن فى المره الاولى إن به عيب و يذهب للدكتور ليعالج درجه و لو غير مؤثره من الإعوجاج فى القضيب المنتصب ظنا منه إن هذا هو السبب فى فشله أو إن عنده إنتصاب غير كافى و لو كان له إنتصاب أقوى لكان إستطاع الإيلاج و كل هذا غير صحيح و السبب الحقيقى كما ذكرت لكم

و أكتر من كدا
شارك و أنشر الوعى لإيقاف الجريمه
يتبع ...