أهو هو دا التسبيح بالحمد

بالذمه حد فاهم حاجه من عبارة سبحان الله و بحمده

لأول مره إسلاميا توضيح معنى التسبيح بالحمد

التسبيح هو إعطاء المجد لله لقدرته و لذاته , الحمد هو إعطاء المجد لله لما فعله معاك أنت
و معنى أو طريقة التسبيح بالحمد هو إنك تشوف حاجه من الحاجات إللى ربنا بيعملها ليك أو عملها فى الماضى ليك و بانت فيها قدرته و عادت عليك بالنفع أو آيه من الآيات إللى فيها المحتوى دا ثم تضع قبلها الحمد لله

بس خلاص , الموضوع بسيط

يعنى مثلا ربنا بينزل لنا من السماء ماء فينبت به حدائق ذات بهجه (و دى آيه فى القرآن أنزل لكم من السماء ماء فأنبتنا به حدائق ذات بهجه ما كان لكم ان تنبتوا شجرها النمل 60) و طبعا الحدائق ذات البهجه دى مبهجه لينا و بتفرحنا و دا الإنعكاس على حياتك من تدبير ربنا فى تنزيل الماء و إنبات الحدائق , فتقوم قايل الحمد لله الذى أنزل لنا من السماء ماء فأنبت به حدائق ذات بهجه و لو عاوز تضيف ما كان لنا أن ننبت شجرها ضيف و لو مش عايز بلاش

و كمان آيه تانيه بتقول جعل لكم الأرض مهدا و سلك لكم فيها سبلا و أنزل من السماء ماء فأخرجنا به أزواجا من نبات شتى ص 127 و دى كلها نعم تعود بفايده , الأرض مهدا لنا و فيها سبل نقدر نمشى و نروح و نيجى فيها و النبات بناكل منه و تاكل منه حيواناتنا و تستمر دورة الحياه , فتقوم تقول الحمد لله الذى أنزل جعل لنا الأرض مهدا و سلك لنا فيها سبلا و أنزل من السماء ماء فأخرج به أزواج من نبات شتى

 هكذا .... تقدروا تجيبوا سواء آيات عن تسخير أو عظمة و قدرة ربنا منعكسه على حياتكم أو أعمال الله فى حياتكم الشخصيه توصفوها و تتحدثوا بها

سيبوكوا من عبارة سبحان الله و بحمده التى يقدموها لكم على إنها ترديدها هى التطبيق للتسبيح بالحمد .... كلام فارغ عباره بلهاء ليس لها أى معنى , تحس و إنت بتنطقها إنها غير كامله و ناقصه , الكلام كإنه ناقص , سبحان الله و بحمده ؟؟؟؟؟؟؟ !!!!! فى حاجه بالذمه إسمها و بحمده و تقوم ساكت ؟؟؟؟ !!!! .... طيب و بحمده إيه ؟ الكلام ناقص , إيه هو إللى بحمده ؟ حرف الباء دا عشان إيه ؟ سكت ليه ؟ سبحان الله ماشى فهمناها , لكن و بحمده إيه ؟ هتعمل إيه أو هتقول إيه ؟ هتتصرف إزاى ؟ موقفك إيه ؟ ... حاجه عجيبه مجرد نطق العباره دى إهانه للعقل ... تخيلوا إن مليارات المسلمين كانوا سجناء تلك العباره البلهاء من سنين طويله أد إيه ؟؟؟ و ضيعوا التسبيح بالحمد الحقيقى منهم

نماذج من التسبيح بالحمد إشتقاقا من آيات فى القرآن

الحمد لله الذى سخر لنا البحر لتجرى الفلك فيه بأمره و نبتغى من فضله

الحمد لله الذى سخر لنا ما فى السماوات و ما فى الأرض جميعا منه

الحمد لله الذى جعل لنا الأرض ذلولا نمشى فى مناكبها و نأكل من رزقه

الحمد لله الذى كرمنا و حملنا فى البر و البحر و رزقنا من الطيبات و فضلنا على كثير مما خلق تفضيلا (تنفع دى و إنت راكب فى طياره تحملك فوق اليابس و البحار)

الحمد لله الذى يجيب المضطر إذا دعاه و يكشف السؤ و يجعلنا خلفاء الأرض

الحمد لله الذى يهدينا فى ظلمات البر و البحر و يرسل الرياح بشرا بين يدى رحمته

الحمد لله الذى جعل لنا الأرض مهدا و سلك لنا فيها سبلا و أنزل من السماء ماء فأخرج به أزواجا من نبات شتى

الحمد لله الذى أنجا بنى إسرائيل من عدوهم و واعدهم جانب الطور الأيمن و نزل عليهم المن و السلوى