الثلاثاء، 19 أغسطس، 2008

القراء الأعزاء

هذه المدونه عدد زوارها قليلون و قليلون جدا و كثيرا ما أنوى كتابه موضوعات هامه و لكن لا أستمر لعدم وجود تجاوب من القراء حتى هناك موضوعات شرعت فى كتابتها و حفظتها فى المدونه بدون نشر
الكتابه عمليه ليست سهله و تستنزف مجهود و وقت , فأنت تحاول ان تضع قدر ما تستطيع من خلاصه خبرتك و نتائج قراءاتك فى أسطر و صور و عناوين مختصره لكى تكون سهله على القارىء
فى مرة سابقه عملت إستطلاع عن عدد القراء فإهتم بملئه حوالى أربع أفراد فقط
إذا كنت من زوار هذه المدونه الدائمين و ليست المرة الأولى التى تدخلها
إذا كنت تحفظها فى قائمة المفضله أو تكشف على الجديد فيها بإستمرار
من الأخر يعنى , إذا كنت تريد ان تستمر هذه المدونه و تقرأ فيها مذيد من الموضوعات فأريدك أن تكتب لى تعليق هنا على هذا الموضوع , لأنى أريد أن أعرف القراء الدائمين و أحصى عددهم
أكتب رأيك و أتمنى أن تكتب بلدك ومكانك داخل البلد (مثلا لو من مصر ستكتب مصر - القاهرة أو طنطا أو ...) لو أردت أن تكتب المذيد عنك إكتب و لو لم ترد فمفيش مشكله
بإمكانك ألا تكتب إسمك و بإمكانك ألا تكتب عمرك لأن هذه المدونه خاليه من الإضطهاد بسبب السن فلا إضطهاد بسبب كبر السن أو إضطهاد بسبب صغر السن و بإمكانك ألا تكتب جنسك لأن لا إضطهاد للذكور هنا و تفضيل البنات عليهم و لا العكس ..... الجميع سوااااااااااااااء

شكرا مقدما

هناك 9 تعليقات:

coffee break يقول...

و إنت يهمك فى أيه عدد التعليقات؟
التدوين غير الصحافة
يعنى انت مش بتكتب لقارىء انت بتكتب لنفسك عشان تطلع اللى جواك
انا عن نفسى مش بهتم بتاتا بالتعليقات و ساعات بتمنى ان ماحدش يعلق عشان ببقى عارفة الردود هتنرفزنى

part of whole يقول...

استمر
دون ان تلقى بالا من يقرأ وكم العدد
انت تكتب من اجل ارضاء ضميرك
من اجل عالم افضل
وهناك من يقرأ
رغم اننى ارى ان الاتجاه القرآنى هو محاولة اخيرة لبث الحياة فى دين ميت ولت فائدة وجوده
محاولة اخيرة للضحك على الذات
الا انه احسن من مفيش
عنى...تركت الدين بلا رجعة
واعتقد بمثابرتك واجتهادك ستفعل بعد حين

وحتى لو لم تتركه فانت كده كويس قوى
:)

بتمنى لك التوفيق والاستمرار

Astronaute يقول...

القراء الأعزاء كوفى بريك و بارت أوف هول من مصر و القاهرة حسب ما بيقول الترافيك فيدر ... يا ميت مرحب
أرجو إن من يكتب يحط هو منين و مينساش (زى ما عملت كوفى) يقول رأيه

و الله يا كوفى بالنسبه لعدد التعليقات فمش مهم و لكن ممكن ينفع إشاره على عدد الزوار - وسيله يعنى - إنما فعلا التعليقات مرهقه لإنى أهتم بالزوار الأعزاء و لازم أرد ... و مثلا فى الموضوع دا
http://freespacecraft.blogspot.com/2008/04/blog-post_28.html
أخد و عطا كتير فى تعليقات طويله تستاهل تتعمل الموضوعات إللى فيها بوست مستقل
إذا المهم هو ناس كتير بيزوروا و مهتمين بالمدونه و بيستفيدوا و لا لأ ؟
عشان أعرف و ميبقاش الحاجه إللى أنا مؤمن بيها أخليها لنفسى و السلام و كفايه على كدا إذا كان محدش بيقرأ و يبقى كمان كفى الله المؤمنين شر أمن حسنى مبارك (المعروف بأمن الدوله)

سلام مربع لبارت أوف هول
فعلا من أجل إرضاء ضميري و من أجل عالم أفضل , لكن لو مكانتش المدونه منتشره و فى قراء فكإنى فى مركب فى عرض البحر لوحدى و بشرح و بوضح للسمك ... مش مهم التعليقات زى ما كوفى قالت و لكن المهم فى زوار و لا لأ و عددهم أد إيه ؟
عملت إستطلاع للزوار من كام شهر يوضح عددهم و رأيهم فجاوب فيه إتنين ثم لما كررته بعد مده على مدار خمس أو ست أيام جاوب فيه أربعه
يعنى بالمعدل دا هيكون التعليقات المرة دى لستة أشخاص (أدى إنتوا إتنين منهم)
Too big in value but very few in numbers

coffee break يقول...

خد بالك ان ممكن ناس تكون بتقراك من على الريدر
انا بقرا كل المدونات من على الريدر و نادرا ما بفتح المدونة نفسها لأنى نادرا ما برد

Astronaute يقول...

على فكرة
تنبيه هام
أنا لا أمثل القرآنيين
أنا قرآنى - نعم هذا صحيح
و لكن لا أمثلهم و كل واحد بيكون حر فى تفكيره و غالبهم لا يتدخلوا أو ضدى فى أرائى المتحرره و متحفظين عنى
الفكره إن القرآنيين ملهمش شيخ أو إمام أو شخص أيا كان إسمه يفكر بالنيابه عنهم , على العكس الجميع مدعوون للتفكير و نسمع بعض و نطلع على أفكار بعض و لكن الحكم فى النهايه لعقل كل واحد
فكره و الله لو أطلب ممن يضع التعليق أن يعرفنا على مذهبه إن كان مسلم أو يقول رآيه فى المذهب القرآنى

شكرا كوفى على المعلومه - حكاية الريدر دى لسه مجربتهاش بس مش عارف هتبان فى العداد أو فى الترافيك فييد و لا لأ
على العموم أدينا هنعرف أد إيه الناس المهتمين من التجربه دى

part of whole يقول...

تحياتى

كنت عايزة اوضح انى فعلا بتابع مدونتك من خلال البلوجلاينز، اى مدونة بتعجبنى بشترك فى الفييد
وفعلا مش ضرورى كل القراء يدخلوا المدونة او يبان ده فى العداد
ممكن كلامك يأثر فى ناس عمرهم ما هيعلقوا واسالنى انا

كلامك مظبوط كل واحد لازم يستخدم عقله ويفكر بنفسه..واللى بيؤمن بخالق عظيم اقل واجب انه يستعمل اعظم نعمة خلقهاله ..نعمة العقل

تحياتى مرة تانية

هانى عزيز يقول...

يا سيدى الفاضل انت تقريبا احسن مدونة انا دخلتها من سنة
هانى عزيز الامارات

Astronaute يقول...

الغالى / هانى

بجد أنا عاجز عن الشكر

مشرفنى بزيارتك

An Egyptian يقول...

اكتبي وولا يهمك من التعليقات
الكتابة رسالة مش انتخابات