أكتب لى

رجاء لمن يريدون أن أدعوهم للقراءه عند غلق المدونه أن يكتبوا لى فى هذا البوست
سأضيف الأخوه القليلين الذين كتبوا لى من قبل

أسف لتلك الخطوه لكن مضطر لعدم التجاوب أو لعدم وجود قراء كثيرين

الموضوعات القادمه ستكون شيقه .. و سنتعلم مع بعض الكثير

المسلمين اليونيتاريان

أعزائى المسلمين , إسمحولى و بكل سرور أعرفكم بإخوتكم

بكل الحب أقدم لكم

اليونيتاريان أو "الموحدين"

ملحوظه التاريخ على الصور خطأ و هى مأخوذه فى إنجلترا مايو 2007

مسلمين .. مسلمين .. مسلمين

عيسى بالنسبه لهم just like any other prophet

شعارهم تحوير من الصليب لشمعه مولعه

موجودين فى كل أوربا و أمريكا و أستراليا

لازم لو حد سافر فيكم يزورهم و يحضر إجتماعات صلاتهم و عباداتهم

هتنبسطوا جدا لما تزوروهم و تستفيدوا كمان

البنات إنجليزيات زى العسل و طبعا زفت حجاب ميعرفهوش فهتريحوا عنيكم منه و لأول مرة يا مسلمين هتحضروا مكان عباده مفيهوش فصل بين الجنسين

---

الجزء الثانى

نكمل الكلام عن اليونيتاريان

كل نقطه حواليها إختلاف فى الدنيا بإذدياد الأبحاث و بمرور الوقت تقل الإختلافات و تصل إلى نهايه و تبدأ البشريه البحث فى النقطه التى تليها .. يعنى مثلا لو العلماء إختلفوا حول تصرف الإلكترونات أو الطريقه إللى بتتفاعل بيها الجزيئات فى تجربه ما أو الماده المظلمه المتواجده بين النجوم أو سبب مرض معين أو .... فشويه و الأبحاث و المشاهدات بتذيد و العلم بيتقدم و الباحثين بيعرفوا أكتر و أكتر و تبدأ كتبهم و أوراقهم البحثيه تعكس التقارب دا بعد ما كانوا متفرقين و تفضل الإختلافات تقل و تقل لحد ما كلهم يوصلوا لحاجة واحده و يتفقوا عليها ثم يبدأوا فى إكتشاف النقطه إللى بعديها ... إلا الأديان و العقائد , إللى بمرور الوقت تذيد الكتب و يذداد الإختلاف و تتفرخ المذاهب و يمر على البشريه الوف السنين و التفرقات لا تنتهى , بل تذيد ... أهم بقى الجماعه اليونيتاريان دول ليهم فكر قصاد كل دا ... فهما بيقولوا إنهم ياخدوا القيم و المبادىء الكويسه إللى وصلت إليها البشريه من تجربتها الحياتيه و المبادىء الكويسه فى كل دين و نتائج العلم و يكون هو دا موضوع عظاتهم و تعاليمهم التى يلقنوها لللنشء , و يقولوا لك مبنطلبش منك إن لو عندك ديانه إنك تسيبها عشان تيجى تحضر معانا و إنما (و خدوا بالكم من التعبير) تعال بيها come with it أو هاتها معاك . إذا الأن لما تقرئوا فى مواقعهم فى التعريف عن نفسهم و تلاقوا إنهم بيقولوا إنهم جماعه أو فرقه أو كنيسه (إستعمالا للإسم الشائع فى الغرب عن دار العباده) بدون عقيده dogma أو بدون إيمان و مذهب creed هتفهموا هما بيقصدوا إيه

يعنى مثلا الفقره دى من تعريف اليونيتاريان بتوع جودال-منج إللى فى بريطانيا (الصور الأربعه الأخيره) عن نفسهم

Unitarians are people of a religious inclination, who find dogma unnecessary and unhelpful

it is a church without a creed. It sees faith as something personal, developing and changing as we mature and acquire knowledge and experience

واضح الكلام ؟ .... فاهمين الكلام معناه إيه و هما يقصدوا إيه بيه ؟

و شوفوا مكتوب إيه فى موقع اليونيتاريان بتوع هستنجس (كل الامثله فى بريطانيا)

We do not preach creeds and doctrines because we feel every person has the right to form their own opinions in matters of religious belief

نحن لا نعظ بإيمان ومذهب معين لأننا نشعر ان كل شخص له الحق أن يكون أرائه فيما يتعلق بالمعتقدات الدينية

We drive inspiration from all forms of human experience; art, nature, history and literature, scientific discovery and space exploration, as well as from the insights and precepts of ancient and traditional scriptures from around the world

 نستقي إلهامنا من كل التجارب الإنسانية, الفن, الطبيعة , التاريخ والأدب, الإكتشافات العلمية وإكتشافات الفضاء, وأيضا من رؤى ومفاهيم النصوص القديمة من حول العالم

Minister, Reverend (Rev)
الـ مينيستر هو الراعى , يعنى قائد الصلاه و الواعظ فى المكان دا و مديره و يكون رجل أو إمرأه , بينما الـ ريفيراند و إختصاره ريف هو لقب و ترجمتها الموقر أو المبجل و دا بيكون حاصل على دراسه من زى معهد أو جامعه لهم و المفروض إن كل مينيستر هو ريفيراند و لكن العكس غير صحيح

---

الجزء الثالث

بين يونتاريان إنجلترا و بين نوع من الكنائس إسمها Free Christian Churches (و هى كنيسه تؤمن بإلوهية المسيح) إتحاد يطلقون عليه general assembly الهدف منه نقلا و بحسب تعبيرهم

To promote a free and inquiring religion through the worship of God and the celebration of life; the service of humanity and respect for all creation; and the upholding of the liberal Christian tradition

و ترجمتها

نشر تدين حر باحث (و متسائل) بواسطة عبادة الله و الإحتفال بالحياه , خدمة الإنسانيه و إحترام لكل إبداع , المحافظه على العرف المسيحي المتحرر

و بفضل هذا الإتحاد أى يونتارينى لو يدخل عشان يصلى فى كنيسه حره أو العكس منتمى للكنيسه الحره يدخل يصلى فى جامع يونتارينى فميحسوش بفرق .. العقيده فى القلب و كل واحد يصلى فى فكره للإله الذى يعبده و لتصوره عن الله لكن العظه التى يلقيها الواعظ تكون فى القيم المشتركه (الحب الخير العداله محبة الله ضد الإرهاب مساعدة الفقير ...) تنفع تتقال هنا او هناك واحد مفيش فرق

أما اليونتاريان فى امريكا و كندا فليهم هما كمان إتحاد مع كنيسه مماثله إسمها الكنيسه العالميه universalist

---

الجزء الرابع

أنا يونتاريان

جون أدمز , أحد الأباء المؤسسين للولايات المتحده و الرئيس الثاني

إبنه : جون كوينزى أدمز , الرئيس السادس للولايات المتحده الأمريكيه

توماس جيفرسون أحد الأباء العظام للولايات المتحده الامريكية و هو الرئيس الثالث

بنيامين فرانكلين أحد الأباء المؤسسين للولايات المتحده و عالم

هانيبال هاملين , نائب لإبراهام لنكولن رئيس الولايات المتحده و محرر العبيد فى فترة الحرب الأهليه

وليام بيرى وزير الدفاع فى عهد كلينتوننيوتن , غنى عن التعريف و أشهر أعماله قوانينه الثلاثه للحركه و إكتشافه للجاذبيه و حساب قوتها و حساب كتلة الأرض و القمر و الأجرام السماويه , و له إسهامات جليله فى علوم الرياضيات و البصريات , و ها هى صوره أخرى له أثناء تحليله للضوء

الكسندر جراهام بل مخترع التليفون

صامويل مورس مخترع التلجراف و إشارات مورس
تشارلز داروين عالم الأحياء الكبير و صاحب نظرية التطور

إدموند هالى عالم الفلك و مكتشف مذنب هالى

لينوس بولنج , الذى جلس على كرسيه فى الجامعه بعد ذلك أحمد زويل , و هو من القلائل الذين حصلوا على جائزة نوبل مرتين الاولى فى الكيمياء و الأخرى فى السلام , و ها هى صوره أخرى له

و يتبع